Niks kom by wyn wat die onbeteuelde vormingskrag van die natuur kombineer met menslike skeppingskrag, die diversiteit van Moeder Aarde met die vaardighede en die vlytigheid van ons kinders nie.
Dit is besonder sinvol om ’n wyn vanaf sy Afrika-oorsprong bekend te stel aan afgeleë dele van die vasteland en selfs wêreldwyd, as hierdie wyn weet hoe om die volle onvergelykbaarheid daarvan te weerspieël. Buite die grense van sy herkoms word hy ’n ambassadeur en ’n bemiddelaar. Met opregte gesag kan hy dan vertel van daardie besonderse plek op ons planeet waar hy tot stand gekom het, van die bepaalde gees en hande wat hom help groei het.
Springfontein is ’n wynlandgoed, wat beteken hy kan net sy eie druiwe gebruik, en alles moet uitsluitlik op die plaas geprosesseer word. Springfontein het ’n unieke kalksteen-geo- en biotoop, ’n baie spesiale koel mikroklimaat, wat meebring dat ons feitlik alle chemiese spuitstowwe kan vermy, tot swael op minimum vlakke. Die mense wat op en saam met Springfontein werk, streef daarna om hierdie terroir op ’n baie holistiese en suiwer wyse in die bottel te kry.
Al ons wyne is veganistiese biowyne. Die wingerde en die wynkelder word streng organies bestuur. Dit is ons basiese beginsel van die begin af, sedert ons in 2018 gesertifiseer is. Daardeur fokus ons op die outogtone Suid-Afrikaanse druifvariëteite: Pinotage en Chenel.
